Þá er það slaufugerð :)

Framkvæmdagleðin er alveg að drepa mig þessa dagana

 og nú tók ég upp á því að búa til slaufur.......

...eina á bangsann minn og .....

....og eina sem ég setti á hárspennu dóttur minnar.

  Í eina slaufu klippti ég til flónelefni 18x14 cm og 7x5 cm. Ég saumaði saman allar hliðar á röngunni en skildi eftir smá gat til að geta snúið efninu við. Síðan saumaði ég saman gatið. Því næst saumaði ég endana saman á litla bútinn (þannig að hringur myndist), tróð stóra bútinn í gegn um hringinn og lagaði til. Á bangsann bætti ég við þriðja bútinn 22x7 cm og tróð honum í gegn um hringinn líka (sjá mynd af bangsanum). Endaði á að rífa niður efni (sem ég saumaði ekki saman heldur hafði það rifið) til að binda utan um hálsinn á honum og tróð því líka í gegn um hringinn.

 Myndarlegur þrátt fyrir að vera hmmm 45 ára!

  Í slaufuna hafði ég bara fyrstu tvo bútana + bætti við efni til að hylja plastið á spennunni sem ég límdi niður með límbyssu. Sjá útskýringar á myndunum.  

 E.S. ég nennti ekki að taka fram saumavélina, rippaði bara saman í höndunum :)

Algjört spari :)