Tréstóllinn

Við keyptum forláta tréstól af ljósmyndara fyrir einhverju síðan.

Bara einn stól sem er líklega frá nítjánhundruð og eitthvað hehe ;)

Hann var að fara á límingunni svo við neyddumst til að taka hann

 í sundur og kom þar Svenni vinur okkar sterkur inn í að rétta okkur hjálparhönd.

Ég vil taka það fram að hann var soldið mikið fjarska-fallegur, 

það var alveg kominn tími til að þrífa hann og pússa upp,
 svo var hann líka rammskakkur ;)

 

 Before og svo sundurtekinn að hvíla lúnar spýtur í hægindastól. 

  Búin að pússa allt og næst í stöðunni var að.....

 ....bæsa hann svartann.  

Hefði svo sem líka getað málað hann en ég átti bæsinn til.

 

Hér er ég búin að kalkmála, en til að fá vintage look

 þá pússa ég með sandpappír yfir

(sjá hægra megin á efri mynd) 

Eftir pússningu kemur dökki liturinn í ljós :)

 Og mér fannst við hæfi að líma eina rönd á setuna

 með blúndu sem ég fékk í Föndru

Ég klippti líka út eina rós úr svartri blúndu 

sem ég átti og límdi með töfralíminu mínu.

Að lokum bar ég vax yfir allan stólinn.

Gæruafgangur sem ég átti til smellpassar

 á stólinn og nýji jólasveininn líka.

Já ég er að springa úr stolti. 

 Enn eitt barnið fætt og það líka svona FALLEGT!

Punkturinn yfir I-ið á DIY bakka

Háir kertastjakar bæsaðir svartir

Sko......

ég átti leið í Söstrene Grene fyrir nokkrum vikum og sá þar kertastjaka. 

Ekkert sérstaka nema fyrir hvað lögunin er falleg.

Ég sá þá alveg fyrir mér svarta svo auðvitað fóru þeir heim með mér :)

Við tók ekkert flókið ferli.

Bæs átti ég til í skápnum og vax sem ég bar yfir eftir tvær umferðir.

Hér eru þeir komnir á DIY bakkann sem ég hef áður sýnt ykkur.

Við uppröðun á bakka finnst mér alltaf fallegt

 að hafa eitthvað hátt með lágum skrautmunum. 

Ég er alveg að elska kertakúpulinn sem er líka þarna,

 lýsingin er alveg ómótstæðileg freisting fyrir augað

 þegar kveikt er á sprittkertinu undir. 

 

Herbergi unglingsins

Herbergi unglingsins tekur reglulega breytingum og þá yfirleitt að hennar ósk :)

 

Stórsniðugt.....já eða ekki! 

Fékk þennan í versluninni Innlit og var hugsunin að setja teppi

 og eitthvað af fötum ofaní,svona rétt áður en gengið er frá. 

 En málið er að áður en maður veit af þá tæmast skáparnir ofan í pokann hehe :)

 Þennan barstól fékk ég á 1000 kr í 

Góða Hirðinum.  Ég klippti til gæru og festi ofan á.

 Skápur sem ég hef átt í mörg ár og fæst í Ilva.

Tóti Trúður.

Hluti af bangsasafni ofan á skápnum.

Flott uppröðun hjá stelpunni :)

Fata fyrir ýmsa smáhluti :)

Það er svo sætt að setja fallega hluti undir glerhatt.

Fæst í Ikea.

Lítið bretti sem ég pússaði, málaði svart og penslaði þessa fallegu

 setningu á sem þýðir "ég elska þig Maja Býfluga".

Bakkan gerði ég sem og skermana tvo sem ég hef sýnt ykkur hér áður.

Náttborð táningsins :)

Þessa blýantsteikningu rammaði ég inn og gaf Mistinni ;)

Önnur blýantsteikning af Mistinni sjálfri sem var teiknuð á Spáni.

 

Brúða á stærð við 1.árs barn sem ég bjó til 

og klæddi í föt af Maríu Mist.

Hljómplata og umslag sem ég átti frá þvi ég var um 15 ára gömul 

eða þegar maður átti nafnnúmer, ekki kennitölu hehe.

Ég klippti umslagið í parta og límdi í ramma frá Ikea ásamt plötunni.  

Gjöf til Maríu Mistar frá mér í fyrra :)

Það dugar ekkert minna en 140 cm rúm fyrir púða og bangsa ;)

 Púðann lengst frá gerði Sunna snillingur sem er móðir vinkonu Maríu Mistar.

Fyrir framan hann eru verk eftir mig (fíllinn og púðinn undir honum).

Monroe-púðinn er áprentaður hér á landi.

DIY púðar úr gömlum buxum, peysu og pilsi

Held ég hafi aldrei farið eins oft í Kolaportið og Rauðakross-búðir og undanfarnar vikur.

En leit mín bar árangur og ætla ég að sýna ykkur brot af því sem

 ég hef verið að bralla og bæti svo inn því sem seinna verður gert.

Þessar sparibuxur voru falar fyrir heilar 500 kr!

Það eina sem ég gerði var að halda faldinum og loka fyrir hinn endann,

 bjó til einhverskonar vasa :)

Ég notaði báðar skálmarnar en hafði þær mislangar. 

Svo klæddi ég púðann í aðra skálmina.....

....og hina skálmina yfir þá fyrri. 

Skreytti með tölum og málið dautt!

En þar sem enn var afgangur af buxunum þá bjó ég til tvo púða :)

Í Kolaportinu fann ég hneppta peysu (gollu) sem kostaði líka heilar 500 kr!

 Því miður gleymdi ég að taka mynd af henni before.

Eftir miklar pælingar ákvað ég að stroffið væri
 fallegast til að hafa sem front á púðanum.

Ég saumaði púðann þannig að engir saumar sjáist og

 enginn er rennilásinn, heldur hef ég gert nokkurs konar "vasa", 

þannig að efnið undir stroffinu nær út á enda og stroffið fer svo yfir.


 Fyrir möööörgum árum keypti ég mér vandað pils.
 En eitthvað hefur mér þótt gott að borða eða pilsið minnkað.
 Allavega hef ég ekki passað í það alltof lengi.  

 En af einhverjum ástæðum þá geymdi ég það,
 sem ég er annars ekki vön að gera

Ég klippti það í sundur, og saumaði saman
þannig að ein lengja myndaðist.

Á bakhlið púðans saumaði ég "vasa".
Þar kom ég tróðinu fyrir sem ég keypti í Góða Hirðinum á 100 kall.
 Fallegur....ekki satt?

Þetta smáa gerir oft gæfumuninn (2)

Hér kemur framhald af færslunni frá því í gær ;)

Vínflöskustandur sem fæst í Minja og Dogma.

Rugguhestinn fékk ég í Hagkaup.

 

 Kertastjakinn minn fallegi frá Heima.

Kaffibollar í dag, kertastjakar áður ;)

Fjörusteinar enduðu sem Barbapapafjölskylda.

Home-made af mér og Maríu Mist minni .

Krúttleg mynd sem Sigurður Bragi minn

 teiknaði þegar hann var yngri og ég lét ramma inn :)

 Gjöf frá mér til kæró.

Fæst í Húsgagnahöllinni.

Æði sem ég fékk á sínum tíma að saga út og mála.

Karíus og Baktus.

Kertastjaki sem ég freistaðist til að kaupa í Átján rauðum rósum.

Kertið bjó ég sjálf til og engillinn fékkst í Hagkaup.

 Uppáhaldið mitt....gjöf frá kæró ;)

Trúður í eigu Kristjáns míns

Kökustandur frá Rúmfatalegernum.

Ég límdi einnota dúkaefni í botnana og er með skartgripi og snyrtidót ofan í :)

 Baðdrottning gerð af mér.

 Ættatré gert af Bryndísi konu pabba míns :)

Tröllatær prýða forstofuna.

Heimskort úr nokkurskonar filtefni svo hægt sé
 að pinna þá staði sem maður hefur heimsótt.
Við hlið þess er gömul mynd af mér og önnur af ömmu minni og afa.

Rammi í dag, spegill áður.
Keypt í Rúmfatalagernum.
  Ég spreyjaði hann og pússaði upphleypta skrautið á honum.
Skrautlímband frá Ikea setti ég á hillu sem er líka frá Ikea. 
Stytturnar fengust einu sinni í Next.

 Sýni ykkur meira seinna elskurnar.

Góða helgi :)